Un cantidad di baranan di ora a ser descubri abordo di un avion priva cu origen di Venezuela durante di un control conhunto di rutina na aeropuerto Internacional Princess Juliana riba dia 14 di juli ultimo.
E control conhunto di aeropuerto a ser realisa pa e Departamento di Aduana, den cooperacion cu Alpha Team. Durante di e control a descubri un cantidad grandi di baranan di oro abordo di e avion. E baranan di oro di considerabel balor a ser confisca despues cu nan a ser descubri cu e documentonan tocante e oro no tabata na ordo, esaki ta locual Polis di Sint Maarten a bisa den un comunicado diahuebs.
Despues di consulta cu Ministerio Publico, Alpha Team a tuma e decision di continua cu e investigacion. Mientras cu e investigacion ta continua a tuma e decision di tambe confisca e avion en cuestion. E piloto, copiloto y varios persona di interes, a wordo interoga como sospechoso di labamento di placa. E investigacion ta andando, Polis a bisa.
