‘Tanto Aruba, Corsou y Sint Maarten ta den situacionnan precario cu por tin un efecto negativo riba finanzas publico’, ta e manera con College Financieel Toezicht ta cuminsa nan rapport anual riba 2018.
Segun CFT, gobierno di Corsou tin ya caba varios aña ta gastando demasiado y ta keda pospone restructuracionnan necesario pa saca e pais di nan deficit constante. Tanto pais Corsou, como pais Aruba su debenan ta demasiado halto. Mientrastanto esun di Sint Maarten e aña aki ainda lo por pasa e liña unda nan tin siguridad, maske tabata na margen di siguridad anteriormente. Pa via di esaki CFT ta recomenda tur tres pais di Reino pa ta cuidadoso cu fiamento di placa y busca mas prestamo.
