E number dos di Chavismo, dirigente Diosdado Cabello, a bisa diasabra cu Venezuela ta cla pa hiba un “guera absoluto” cu Merca, mientras el a declara tambe cu ta “probable” cu nan por drenta, pero e problema ta pa nan sali atrobe.”
“Nos ta prepara pa awor, di berdad nos ta bisa esey sin arogancia, pa, si nan kier, un guera absoluto di nos pueblo den defensa di nos patria y nos paz,” Cabello a bisa durante un encuentro entre parlamentario di diferente pais na e XXV Foro di Sao Paulo, celebra na Caracas.
“Aki, nos a benta 200 aña basa e imperio mas poderoso di e epoca ey pafo, y nos no tabata asina prepara manera nos ta awor,” el a indica tratando di establece un relacion entre un eventual lucha arma entre Venezuela y Estadonan Uni y e guera di emancipacion cu a libra Venezuela di Spaña 200 aña pasa.
Venezuela y Estadonan Uni ta mantene relacion problematico practicamente desde e yegada na poder di Chavismo na 1999, pero e tension a culmina desde januari di e aña aki, na momento cu gobierno di Donald Trump a reconoce e lider opositor y presidente di Asamblea Nacional Juan Guaido, como presidente interino, y igual 53 otro nacion.
Maduro ta rechasa TIAR
Nicolas Maduro, bastante agita, a rechasa diasabra e aprobacion den Asamblea Nacional di e Tratado Interamericano di Asistencia Reciproco (TIAR), yamando e acto di e parlamento legitimo un “accion degradante, decadente y desgraciado” contra soberania di e pais.
Durante un acto di graduacion y ascenso di miliciano na Academia Militar, el a bisa cu e tratado ta “e prome paso pa yama im invasion Mericano.” No a tarda pa e Tribunal Supremo di Husticia Chavista declara e reintegracion di Venezuela den TIAR nulo.
