E cantidad di mucha ilegalmente secuestra na Hulanda, of treci ilegalmente aki pa un mayor, a conoce un caida di casi 25% aña pasa, segun e cifranan nobo di e centro cu ta monitor secuestro infantil. Aña pasa 174 mucha a ser secuestra di nan hogar na Hulanda y hiba na paisnan stranhero y 74 mucha a ser hiba Hulanda.
Na 2017 un total di 288 mucha a ser hiba ilegalmente pa pais stranhero of hiba Hulanda. E mayoria di muchanan a ser hiba Alemania, Polonia y Belgica, y den dos tercer di caso e perpetrado ta e mama. Di e muchanan cu a muda pa Hulanda, e mayoria di nan ta bin di Belgica, Gran Britania y Francia. Ma di e mita di e muchanan saca pa paisnan stranhero ta menor di cinco aña. E number di menasa haci pa e mayornan tambe a reduci considerablemente di 488 na 2017 pa 287 aña pasa.
Esaki ta locual e centro a bisa ta debi na un decision di intensifica mediacion preventivo y reforsa e controlnan. “E secuestro di mucha ta sigui ta un acontecimento di gran alcance,” asina e Director di e centro Coskun Çörüz a bisa den un comunicado. Pa e caida, esaki ta un desaroyo positivo y ta mustra cu ta enfocando riba prevencion y cu e ta traha.
