Presidente di STA ta felicita FTA pa su 55 aniversario; “Sindicalismo no ta un trabou facil”

Presidente di sindicato STA, Diego de Cuba tambe a expresa su mensahe di felicitacion pa sindicato FTA su 55 aniversario di existencia.

“Di parti di sindicato STA nos kier felicita FTA pa nan 55 aniversario.” De Cuba a bisa na Bon Dia Aruba.

E sindicalista aki ta kere cu esaki ta un logro basta grandi pa sindicato FTA. De Cuba a menciona cu sindicato STA tambe ta cumpliendo 55 aniversario riba dia 5 juli ultimo conforme cu nan statuto. El a bisa cu nan tin plania pa organisa un celebracion na luna di december venidero.

Segun De Cuba, no ta un trabou facil pa por mantene un sindicato 55 aña. “E no ta un trabou facil. E ta un trabou cu bo no ta haya danki pe. Nunca bo spera esey. Pero di nos banda nos kier felicita FTA, y desea nan forsa,” el a bisa.

Nan mes a wak con STA, prome cu el a tum’e over, tabatin apenas 80 miembro y awor nan ta conta cu mas di 1200 miembro.