Gobierno di Sint Maarten tin te 10 di mei 2020 pa drecha e problemanan cu e sero di sushi den Philipsburg. Si gobierno no cumpli cu esaki, lo tin consecuencia pa paga un suma maximo di 10 miyon florin.
Hues den casonan sumario a duna rason na e personanan den vecindario cu a entrega keho na gobierno pa via di e problemanan di salud cu e sero di sushi ta causa. Asina Hues a declara ayera, exigiendo pa gobierno di Sint Maarten ehecuta e plan di supresion di candela (Fire Supression Plan) dentro di 9 luna. Pa Sint Maarten por ehecuta e plan nan lo mester di cooperacion di Banco Mundial y gobierno Hulandes.
Ta tuma un caso hopi special pa pone cu gobierno ta haya un multa ta colga riba su cabes, pero hues Lemaire a dicidi esaki mirando cu gobierno di Sint Maarten ya caba a nenga di tuma accion varios biaha den pasado. Si e ta yega asina leu cu nan mester paga e multa, esaki lo bay pa Nature Foundation di Sint Maarten.
