Un mucha di apenas un aña y mey di edad a fayece diadomingo pasa ora el a cay riba waf di e di 11 piso di e barco crucero cu tabata mara na Muelle Panamericano, na San Juan, segun informacion di Autoridad de Puertos di e isla.
E informacion a kea confirma na El Nuevo Dia pa portavoz di dependencia gubernamental, Jose Carmona, y pa portavoz di Polis, Axel Valencia.
Segun informacion preliminar, e mucha chikito a cay for di brasa di su abuelo, desde piso 11 di e crucero Freedom of the Seas, di e cadena Royal Caribbean, riba e muelle.
Secretario di Seguridad Publico, Elmer Roman, a splica cu “e abuelo a tene e mucha pafo di e bentana. E mucha a bay for di su man y a cay na suelo y muri.” E version aki a keda desmenti pa autoridad policial na South Bend, Indiana, unda e famia ta biba.
Roman a indica cu e famia Mericano ya tabata ricibi asistencia despues di e sucedido.
E famia tabata biaha cu e abuelonan di ambos banda. E tata di e mucha ta un agente policial na South Bend.
No a logra haya mas detaye di e circunstancianan cu a conduci na e caida di e mucha. Na e momeno aki ainda ta investigando “un incidente di desgracia”, loke ta referi na un situacion accidental.
