Agente policial Akeem James lo mester aparece dilanti Corte di Princes Town pa tres acusacion di violacion, abuso sexual grave y encarcelamento falso di un muhe Venezolano di 29 aña.
E instruccion pa acusa e oficial a bin di fiscal DPP Roger Gaspard diamars pasa, di acuerdo cu fuentenan dentro di cuerpo policial cu a papia cu Guardian Media.
E incidente lo a sucede na november 2018 despues cu e victima a ser hiba contra su boluntad na un cas na Princes Town.
James, di 28 aña di edad, a ser acusa di trata di secuestra otro muhe Venezolano Diego Martin na februari di e aña aki y a keda identifica den un investigacion di tres luna di Guardian Media tocante sclavitud sexual na e pais. E victima den e caso particular aki a papia cu Guardian Media durante e investigacion aki.
E decision pa persigui James penalmente a bin despues cu un rapport a ser traha pa e victima y entrega na director David West di e Autoridad Policial encarga cu Keho (PCA) mas tempran e aña aki, cu a revela na Guardian Media e tempo ey cu nan tabata investigando cierto oficialnan di polis pa nan supuesto envolvimento den traficacion humano.
Fuentenan di nivel halto a revela cu na april, mei y juni 2019 tabatin un “colaboracion sin precedente y un investigacion conhunto entre PCA y e Oficina pa Standard Professional (PSB) encuanto e acusacion aki.”
James, cu seis aña di servicio como polis a keda deteni na su cas na Fairfield Gardens, Princes Town.
