Alcalde di Rotterdam Achmed Aboutaleb tin plania pa introduci un prohibicion pa e uzo di ‘laughing gas’ na evento y festivalnan, e emisora local RTV Rijnmond a bisa.
E prohibicion lo drenta na vigor na mita di juli, e emisora a bisa. E alcalde tambe a pidi Ministerio di Husticia pa considera pone nitrous oxide bek riba e lista di medicamento oficial.
Decena di compania chikito a surgi bendiendo y entregando ‘laughing gas’ pa fiesta, desde cu corte a dicta cu e gas no mester ser trata como un droga medicinal. Leeuwarden tambe ta considerando pa implementa un prohibicion cuminsando otro aña, y concehalnan di Amsterdam tambe a pidi e ciudad pa prohibi e uzo di e gasnan aki durante eventonan.
Vocero di Minister di Salud, Paul Blokhuis a bisa Parool na april cu e ta preocupa cu e reglanan boluntario elabora cu e distribuidor y e sector di hospitalidad pa asina limita e benta di gas paso nan no ta dunando fruta. Mientras cu Bol.com a stop di bende e gasnan aki por completo y distribuidor manera Sligro ta limita e benta na e cumpradonan legitimo, e ta posibel paso ta necesario pa haci mas, e vocero a bisa.
Teenager
Ministerio di Salud a bisa aña pasa cu nan kier hacie mas dificil pa adolescentenan cumpra ‘laughing gas’ despues di un informe di e clinica di adicion Trimboos tocante e uzo creciente di e droga cerca hobennan. E investigacion a mustra cu mas di 37% di e asistentnan na e fiesta Hulandes ta usa ‘laughing gas’ cu regularidad y cu adultonan hoben ta esunnan cu tin mas probabilidadnan di hacie. Aunke e ‘laughing gas’ ta relativamente sigur, e tin su peliger y no a investiga su efecto riba largo plaso riba mucha.
