E di cinco sospechoso a keda aresta diabierna ultimo den e investigacion Tres Belle di traficacion di hende. Ta un agente di biahe kende a reserva e ticketnan pa e muhenan prostituta.
E agente di biahe ta sospecha di ta complice den traficacion di hende, ya cu a organisa multanan pa damanan Venezolano na peticion di e propietario di bar sospechoso principal di e investigacion.
Si un agente di biahe sa cu e ticketnan cu el a book ta destina pa damanan Venezolano, kende probablemente lo traha den un bar como prostituta, e agente di biahe ta, den opinion di Ministerio Publico, culpabel di ta complice den traficacion di hende.
Den e caso aki un agente di biahe no por sconde tras di e echo cu e ta solamente haciendo su trabou. Tin papia di traficacion di hende si bo ta yuda un persona haya acceso y/o permanece na Corsou sabiendo cu su estadia riba e isla ta ilegal.
Si un dama Venezolano ta keda y traha na Corsou, ta ilegal, incluso si el a keda den su prome trinta dianan locual, ta permiti pa ley. Na principio traha di inmediato ta haci e estadia ilegal. Esaki ta solamente diferente si e muhe tin un permiso di estadia y trabou.
E agente di biahe a wordo presenta dilanti hues di instruccion ayera. Un par di dia pasa e otro cuater sospechosonan di e investigacion Tres Belle a ser suspendi di prizon preventivo. Ministerio Publico a apela contra e decision di hues di instruccion pa loke ta trata 3 di e 4 sospechosonan. E investigacion policial tocante Tres Belle ta continua.
