Huesnan di corte di apelacion a confirma e sentencianan suspendi di seis luna contra un di e agentenan oficial cu ta responsabel pa e morto di e ciudadano Arubiano Mitch Henriquez, pero a elimina e otro di tur cargo.
Mitch Henriquez di 42 aña a fayece un dia despues cu cinco oficial a pone riba suela ora cu e tabata sali di un concierto na Zuiderpark situa na Den Haag na juli 2015.
E tribunal di districto di e ciudad a dicta na december 2017 cu e choke hold uza durante su aresto probablemente a contribui na su morto y a haya e dos oficialnan culpabel di asalto.
Corte di apelacion a clear un di e dos oficialnan, pero a bisa cu e violencia uza pa un di e oficialnan tabata desproporciona.
Particularmente, e choke hold uza pa somete Henriquez tabata link na su morto corte a bisa. E caso original a mustra cu e choke hold pa un di e oficialnan y e uzo di pepper spray pa un otro mientras cu a golpia Henriquez den su cara tabata ilegal.
E oficialnan a bisa cu nan a reaccion asina pa motibo cu a ser bisa cu Henriquez tabata tin un arma di candela den su poder. E cinco oficialnan cu ta envolvi den e aresto a ser disciplina internamente pa polis, pero ningun a ser despedi.
E imagen di e video di e escena ta mustra cu e homber di 42 aña di edad a ser restringi uzando un choke hold prome cu su curpa inmobil a ser poni den un van di polis.
Su morto a provoca varios anochi di disturbio den e districto di Schilderswijk di Den Haag, na unda tin un historia di tension entre polis y e gran poblacion di etnia minoritario.
