Presidente Donald Trump ayera a mantene e prospecto di renoba su menasa di tarifa contra Mexico, si e aliado Mexicano no coopera den asunto di frontera, mientras algun di su retadonan democratico pa Cas Blanco a bisa cu e acuerdo na ultimo momento pa evita sancion comercial tabata exagera.
Den un serie di tweet, Trump a defende e acuerdo eliminando e impuesto di 5% riba tur producto Mexicano, cual el a menasa cu impone dialuna, pero a adverti Mexico cu, ‘si pa un motibo desconoci’ e cooperacion faya, ‘nos por bay bek nan nos posicion anterior, hopi faborabel, di tarifa’.
Sinembargo, el a bisa cu e no ta kere esey lo ta necesario.
E tweetnan a yega entre preguntanan tocante con hopi di e acuerdo – anuncia cu gran fanfaria diabierna – tabata nobo. El a inclui un compromiso di Mexico, por ehempel, pa manda su Guardia Nacional nobo na e frontera sur cu Guatemala. Mexico, sinembargo, ya tabatin intencion di haci esey prome cu e menasa mas recien di Trump, y a laga esey cla cerca oficialnan Mericano.
Merca tambe a elogia e acuerdo di Mexico pa ricibi e expansion di un programa implementa e aña aki, den cual algun peticionario di asilo ta bolbe Mexico mientras nan ta warda nan caso. Pero oficialnan Mericano ya caba tabata trahando pa expande e programa, cual ya a mira e retorno di cmo 10 mil persona na Mexico, sin ricibimento Mexicano.
Candidato presidencial pa 2020, sen. Bernie Sanders di Vermont, a critica Trump pa uza tarifa como menasa, y operando un ‘politica di comercio basa riba tweet’. “Mi ta kere cu locual mundo ta cansa di dje, locual ami ta cansa di dje, ta un presidente cu constantemente ta bay guera, guera verbal cu nos aliadonan, sea ta Mexico, sea ta Canada”, el a bisa.
Pero secretario di Homeland Security, Kevin McAleenan, a insisti cu ‘tur ta nobo’, incluyendo e acuerdo pa manda como 6mil tropa di Guardia Nacional – un movida cu Mexico a describi como un ‘aceleracion’.
But acting Homeland Security Secretary Kevin McAleenan, speaking on “Fox News Sunday” insisted “all of it is new,” including the agreement to dispatch around 6,000 National Guard troops — a move Mexico has described as an “acceleration.”
Trump tambe a insisti cu e acuerdo a wordo mal representa. “Nos ta purbando di logra algun di e accion di frontera aki pa basta largo, mescos otro administracionnan, pero no a logra of no a logra completamente, te ora nos acuerdo firma cu Mexico”, el a skirbi riba Twitter. “Mexico no tabata coopera riba e asuntonan di frontera, y awo mi tin tur confiansa cu nan lo coopera y kier haci e trabou bon.” El a añadi cu tin partinan di e acuerdo cu no a wordo reporta ainda, y cu lo ser revela ‘den e momento oportuno’.
