Un reportahe di gobierno a conclui cu e pais Norte Americano ta complice di genocidio a base di rasa contra muhe indigena. Segun e investigacion, un muhe indigena tin 12 biaha mas chens di disparce of wordo haya morto, den comparacion cu otro hende muhe.
E rapport ta tilda e crisis riba gobierno Canades, cual segun e estudio ta deliberadamente inactivo riba e tereno aki, pa via di colonialismo cu ta bay profundo den raisnan di e pais. Entre 200 recomendacionnan pa henter Canada, ta conseha e pais pa siña historia indigena.
‘Maske cada un di nan tin diferente circunstancia y pasado, tur esunnan cu a disparce y wordo mata ta conecta pa via di marginalisacion economico, social, politico, racista y contra muhe na rais di sociedad di Canada’, Marion Buller a bisa, kende ta hefe di e estudio.
Ta conoci cu tin mas di 2000 testigo for di 2017 incluyendo esunnan cu a sobrevivi violencia y miembro di famia. Locual a haya di a investigacion nacional cu den muhe y mucha indigena tin manera 1.6 miyon.
Prome minister Justin Trudeau kende a reconcilia cu e persona indigena a bisa cu pa su gobierno e ta un prioridad. El a gradici na tur cu a comparti nan storia cu conmocion y recomendacion pa investigacion. “Ami sa y nos tur sa cu nos mester drecha con e cos ta traha na e pais aki. E ta un dia incomfortabel pa Canada pero un dia esencial.”
E rapport finalmente ta bisa: “E mayor miedo di un di e miembro di famia ta habri nan mes na e proceso intenso, cu miedo cu nada lo wordo haci. Pues cu ta traha rapport pa djey pone den lachi, mientras no ta bin ningun solucion.”
