E construccion di rotondenan ta algo cu a bira normal riba isla, camindanan cera y trafico pega ta forma parti di e dia diario, pero e problema cu a ser observa ta si e construccion di e rotondenan aki ta wordo haci di un bon manera y cu un bon structura pa e autonan y siguridad di chauffeurnan.
Via di e potretnan aki cu Bon Dia Aruba a tuma, e lector por aprecia e recien construccion di rotonde na Sero Patrishi cu tin un banda cu ta hopi peligroso pa e chauffeurnan,y e autonan cu ta biniendo for di Tanki Flip, ora nan ta yega e rotonde aki nan mester ta hopi cauteloso y tin wowonan habri pa via di e muraya di cas cu ta banda di caminda, e muraya ta stroba bo di wak si un auto ta bin of no.
E recomendacion ta pa esun cu ta haci uzo di e rotonde aki, pa stuur di un manera prudente pa asina lo por evita mas accidente y un yamada pa e compania di construccion di e rotondenan pa tin un tiki mas di conscientisacion riba trafico, ya cu Aruba tambe ta conoci como un isla cu tin hopi accidente, asina tambe como pone borchi of algun spiel grandi cu por alerta e autonan.
