Diahuebs atardi autoridad a keda informa cu na San Nicolas den Flamboyanstraat lo tin un caso di capmento cu machete a tuma luga. Di biaha patruyanan ta mobilisa pa e sitio, caminda a bin topa cu habitantenan ta conta e oficialnan cu tabata tin un pelea formal a tuma luga.
E sospechoso cu machete den man a bula cura di cas despues di e caso. E victima herida a yega centro medico den un mini van tur na sanger. Polis a cera full e area pa start investigacion unda recherche y departamento forensico tabata na e sitio pa haci haci e trabou necesario di compila tur informe.
E sospechoso mes a entrega su mes na warda despues di rato. Pa 6:32 atardi Dr. Vrolijk a constata morto di e homber M.S naci na Jamaica di 24 aña di edad.
