4jul, NW, javier wolter (1).jpg

Un grupo di 18 empleado di siguridad di diferente instancia bancario a participa na un curso di 5 dia cu a wordo duna pa SCIENTIA y nan a gradua pa cu esaki. Durante e curso nan a siña mas riba e parti di siguridad y con pa atende cu atraco. Siguridad ta importante pa Sr. Javier Wolter, director di CMB. Na diferente ocasion el a pasa den atraco, y tur biaha esakinan a bay mescos. E motibo cu atraco a tuma luga ta pa motibo cu e atracado, e ladron, a purba un biaha y e un biaha ey tur strea cu ta para pe cos a bay bon. Shen porciento el a bay bon, el a haci e atraco.

 

“Pa nos tur dia cu nos lanta, e siguridad mester ta 100 porciento,” Sr. Wolter a indica. A haci e curso aki pa diferente motibo. “Un di e motibonan ta cu antes tabata asina si bo tabata traha cu un metsla of un hende cu no tabata tin e profesion, y bo a bira e tempo ey un empleado di siguridad. E tabata un trabou cu sea bo tabata bay traha den solo of cuida un luga. Awor e cos aki a cambia hopi. Awor e ta mas un oficial di siguridad.” E director di CMB ta kere di ta un oficial di siguridad, esaki no ta mata, pasobra e persona no ta haci uzo di hopi forsa sino ta haci uzo di mas inteligencia pa ta un vigilante, pa por reconoce situacionnan cu por bay pasa y mas cu claro e oficial di siguridad por semper anticipa adelanta cu algo malo por tuma luga.

 

Bon iniciativa

E oficialnan di siguridad cu a gradua pa por a haci esaki, mester a pasa un training. E iniciativa a cuminsa pa upgrade empleado di siguridad den banco, tabata increiblemente bon, segun Sr. Wolter. E ta corda cu e empleadonan di siguridad cu tabata traha na banco hunto cun’e, basicamente tabata gewoon hende cu tabata habri porta y nada mas. Awo esaki no ta asina mas. E empleadonan di siguridad ta vigilante, nan ta organisa, nan ta restructura, nan sa con pa actua den situacionnan fastioso, nan sa tambe con pa atende sin tin cu insulta of ofende un hende ya cu esaki ta hopi importante. “No tur hende ta hende, tin biaha ta dificil pa deal cu hende.”

 

Lo tin mas grupo

Esey ta e training cu a wordo duna. Esey ta di dos of di tres grupo, pero lo bay tin mas grupo, Sr. Wolter a indica. “Nos ta masha orguyoso cu boso a logra pasa e training,” el a sigui bisa. E empleadonan di siguridad di e banconan cu a participa tabata, Aruba Bank, Banco di Caribe, Banco Central y otro mas. “Segun mi RBC ta e unico cu nos no tin aworaki.”

 

CMB a inicia e training

Esaki ta algo hopi importante, pasobra henter e training ta CMB a inicia esaki. Y CMB ta paga pe training, segun e director. Esey tambe ta importante pa mustra comunidad con ta invita otro banconan pa tambe participa na e curso aki, y no ta haci e curso aki solamente pa empleadonan di siguridad di CMB. Esey ta mustra colegialidad, pero tambe ta mustra e importancia con ta importante pa preveni criminalidad. Un mensahe cu e director a duna tur e graduadonan ta cu empleadonan di siguridad mester corda cu nan tin cu reporta kico tur a pasa.