Centenares di manifestante a marcha na Capitolio di Alabama pa protesta e prohibicion di aborto na e estado. E demostracion a bin despues cu gobernador Kay Ivey a firma e ley di aborto, haciendo esaki un delito den tur caso. Aborto ta permiti solamente si ta afecta e salud di e mama. E ley no a haci excepcion den casonan di violacion y incesto.
“Prohibicion di aborto, no ta bay detene aborto, sino djis stop aborto safe”, Staci Fox a bisa, CEO y president di Planned Parenthood Southeast. El a comparti palabra cu e multitud pafo di e Capitolio di Alabama. Ningun ley a drenta na vigor. Ta spera cu tur wordo blokia pa tribunal como medida di desafio legal na e corte supremo.
Hall, un muhe cu a sali for di manifestacion pa describi aborto cu e mes a haci, pasobra el a wordo abusa sexual cu 18 aña di edad na un fiesta. “Mi tabatin amigo cu a haci aborto ilegal y cu casi a fayece”, Hall a bisa.
Amanda Reyes, kende ta maneha fondo ‘yellowhammer’, un organisacion sin fin lucrativo cu ta yuda e muhenan cu no por paga un aborto, a bisa cu donacion a cuminsa yega desde dia cu a aproba e proyecto ley di Alabama.
E ley di Alabama a comberti aborto den un delito grave, cu lo wordo castiga cu mas di 99 aña of bida largo di prizon. Presidente Donald Trump, a skirbi riba medio social cu e ta ‘pro bida’.
“Manera mayoria di hende sa, mi ta para fuerte na e movemento pro-bida, pero cu tres excepcion: abuso sexual, incesto y proteccion na e bida di e mama. E mesun posicion a wordo adopta pa Ronald Reagan”, Trump a skirbi.
