Trahadonan di Rabobank na California probablemente a pruba di tapa labamento di placa procediendo di cartelnan Mexicano. Ta trata di un oficina di banco Hulandes cerca e frontera di Merca cu Mexico. Cerca e banco aki clientenan a deposita asina hopi placa cu esaki a bira sospechoso. Pues awor Merca ta investigando si e empleadonan no a coopera y tabata sconde cierto documento relevante. Asina e fuente Bloomberg a divulga.
