WILLEMSTAD – Recientemente e cursonan basico di milisia di Corsou y di Aruba a keda clausura. Nan a finalisa e siman aki e ehercicionan final, cu ta ser yama ‘final exercise (FINEX)’.

Durante di e mainta aki tabata tin discursonan di prome minister Rhuggenaath, Comandante Suplente di Forsanan Naval den Region Caribe, Kolonel (KLTZ)  Jan Willem Boone I Mayor di Marina Real Christ van Dinteren, e cursonan basico di Milisia di Corsou y di Aruba a keda clausura.

Tradicionalmente FINEX ta clausura cu un marcha final di  25 kilometer. E Milisianonan ta carga durante e marcha nan paketenan personal y nan arma. E ultimo kilometernan  nan  a crusa den Otrobanda y a pasa riba brug di ponton, despues di cua e Milisianonan a drenta cu un aplauso tradicional.  Esaki ta simbolisa e vinculo fuerte entre e islanan, milisianonan y CZMCARIB.

E marcha a finalisa riba e plenchi parti paden di Fort Amsterdam, den presencia di gobernador Lucille George Wout, minister presidente Rhuggenaath, PLV CZMCARIB KLTZ Boone, coleganan y miembronan di famia.

Eynan e milisianonan a cambia nan pechi pa un baret cu tabata bon mereci.  Den e discursonan e rol di e milisiano pa Corsou y Aruba den e area di siguridad, pero tambe e orguyo y prestacion, a keda enfatisa. ‘E entrenamento no ta facil. Cu esaki boso a mustra un prestacion hopi fuerte. ’, segun Van Dinteren. Na october 2018, 30 hoben a cuminsa cu e training pa Milisiano. Despues di un training intensivo di casi 11 luna nan a marcha cu un cantidad di un maximo di  22 cursista riba brug di ponton.

EMV  ta un estudio basico cu ta dura 11 luna. E prome fase ta e formacion elemental. Den esaki e habilidadnan y ehercicionan  basico (skills & drills) riba nivel di individuo ta primordial. E milisianonan den training ta siña entre otro rango, y funcion y tambe con pa yuda otro mutuamente como kamarada.  Banda di esey disciplina Militar ta keda siña, y e hobennan ta haya destresa den uzo di armanan militar. Desde de fase aki e paso ta keda tuma pa sigui bay entrenamento di bataya.  Di tres y ultimo fase ta consisti di  protege y monitoria.