Segun un reportahe di USA Today, diferente supermercado na Venezuela ya no ta yena cu fila di hende buscando pa cumpra locual cu nan por pa nan come. Esaki ta pasobra no tin nada. Un supermercado a yena su shelfnan cu yen salo, como esey tin na cantidad. Banda di esaki tabatin algun producto pa come den bleki, algun fruta y berdura fresco, algun cereal y hopi snacks. E unico carni cu tin disponibel ta salchicha, y tin tres sorto di keshi. E unico problema cu e productonan cu tin ta cu un kilogram di cada uno ta costa mas cu un quart di e salario minimo cu ta 15,050 bolivar.
Sinembargo productonan basico manera hariña di maishi, hariña blanco, pasta, aroz, lechi, webo, sucu, kofie, galiña, mayonnaise, margarina, azeta pa cushina y carni ta sobresali pa nan ausencia. Banda di esaki no tin papel di WC of napkins sanitario, no tin baby wipes ni pampers, no tin shampoo, pasta di djente, habon pa laba man y tampoco deodorante.
