NIJMEGEN – A registra un morto den un explosion cu a tuma luga den un trein staciona na e stacion di Nijmegen. Polis ta informa cu no tabatin mas victima. No ta conoci kico a pasa exactamente, e investigacion ta canando. Tampoco polis no por a duna e identidad di e victima.
Segun autoridadnan, no tin indicacion cu ta trata di un acto criminal. Habitantenan den cercania di e stacion di trein a informa cu nan a scucha un explosion bastante fuerte caminda por a scucha glasnan cu ta kibra. A base di e holo ta pone cu esunnan den e area ta pensa cu posiblemente ta trata di un explosion caminda a haci uzo di vuurwerk.
E explosion no a causa niun estorbo pa trafico di trein den e area. Pa loke ta trata e trein unda e caso a tuma luga, autoridadnan a informa cu ta trata di un trein cu no ta den uzo mas. E tabata un trein cu tabata transporta pasahero pero esey no ta e caso mas.
