Stingray Swimming campeon di e XIII Stingray Challenge

ORANJESTAD – Durante e fin di siman di 5, 6, y 7 di april 2019 e ekipo di natacion, Stingray Swimming a organisa su competencia anual, “Stingray Challenge Invitational” na Piscina Olimpico Roly Bislik. E aña aki tabata e di 13 edicion di e “Stingray Challenge Invitational” y e bataya tabata fuerte entre e teamnan di Aruba y Curaçao.

E aña aki, e XII Stingray Challenge tabata un competencia clasificatorio pa CCCAN y e aña aki, e ekipo di natacion di Curaçao, Sithoc Swim Club tambe tawata presente hunto cu e ekiponan di Aruba, Aruba Dolphins, Swimming team the Orcas y Stingray Swimming pa e fin di siman di competencia exitoso. Despues di un fin di siman largo unda cu e landadonan a haci nan maximo esfuerso pa mehora nan tempo y clasifica pa CCCAN, Stingray Swimming ta titula campeon di e XII Stingray Challenge cu un total di 1617 punto. Aruba Dolphins ta tuma di dos luga cu un total di 1331 punto. Sithoc Swimming di Curaçao ta tuma di tres luga cu un total di 465 punto. The swimming team the Orcas ta keda na di cuater luga cu un total di 339 punto.

Meet Records & Records Arubano
Durante e fin di siman di competencia aki un total di 5 ‘Meet Record’ a wordo kibra. Den categoria di 7-8 women, Gabrielle Johannes Maduro ta haci 3:08.89 e ‘Meet Record’ nobo pa e 200 meter LC Freestyle. Den e categoria di 11-12 Men, Jaydon Croes ta haci 33.23 e tempo nobo pa e 50 Meter LC Backstroke, Braynsly Dirksz ta haci 1:14.30 e tempo nobo pa e 100 Meter LC Breaststroke y Gavin Kock ta haci 2:43.88 e tempo nobo pa e 200 Meter LC Breaststroke. Den e categoria di 15 & Over Women, Anahi Schreuders ta haci 1:17.16 e tempo nobo pa e 100 Meter LC Breaststroke. Banda di ‘Meet Record’ Aruba a conoce 1 record Arubano pues pa e categoria di 6 & under men, Leandro Santiesteban ta haci 59.22 e tempo nobo pa e 50 Meter LC Breaststroke.

CCCAN 2019
Un total di 6 landado a logra clasifica caba pa CCCAN 2019. E aña aki CCCAN lo tuma luga entre 24 di juni y 8 di juli, na Barbados.

Den e categoria di 11-12 Women, Giancarla Larez ta clasifica pa e evento di 200 Meter LC Backstroke cu un tempo di 2:50.64. Den e categoria di 11-12 Men, Jaydon Croes ta clasifica pa e evento di 200 Meter LC IM (individual medley) cu un tempo di 2:33.84 y 100 Meter LC Freestlye cu un tempo di 1:01.26.

Braynsley Dirksz den categoria 11- 12 Men, ta clasifica pa e evento di 200 Meter LC Breaststroke cu un tempo di 2:46.42, e evento di 100 Meter LC Breaststroke cu un tempo di 1:14.30 y e evento di 50 Meter LC Breaststroke cu un tempo di 33.87. Den e mesun categoria, Gavin Kock ta clasifica pa e evento 200 Meter LC Breaststroke cu un tempo di 2:43.88, e evento 100 Meter LC Breaststroke cu un tempo di 1:16.21, e evento di 50 Meter LC Breaststroke cu un tempo di 34.41 y den e evento di 200 Meter LC IM (individual medley) cu un tempo di 2:34.42. Den e categoria 15-17 Women, Elisabeth Timmer ta clasifica pa e evento di 50 Meter LC Freestyle cu un tempo di 27.31 y pa e evento di 200 Meter LC IM (individual medley) cu un tempo di 2:33.95. Den e categoria di 18 & Over Women, Anahi Schreuders ta clasifica pa evento di 100 Meter LC Breaststroke cu un tempo di 1:17. 16 y e evento di 50 Meter LC Breaststroke cu un tempo di 35.20.

Resultado di High-Point Throphy

Pabien na tur atleta cu a competi, kibra meet record, record Arubano y pa esunnan cu a clasifica pa CCCAN 2019. Danki na tur sponsor cu a yuda cu boluntario pa asina haci e competencia aki uno exitoso. Un danki special ta bay na tur mayor cu a yuda durante competencia, tur boluntarionan cu ta yuda time e atletanan y por ultimo tur e coachnan cu ta prepara e atletanan pa tur competencia.