Sur Korea – Despues di 66 aña di prohibicion, aborto lo bira legal na Sur Korea. Esaki lo ta na final di aña 2020, corte constitucional di e pais a dicta diahuebs. Un gran Victoria pa esunnan defensornan na fabor di e posibilidad di eligi.
Shete di e nuebe hues a bisa cu prohibicion di aborto ta inconstitucional. Tabatin mester e voto di 6 hues pa asina anula di prohibicion. E legisladonan awo tin te cu dia 31 di december 2020 pa revisa e ley. E interupcion di embaraso despues di 20 siman ainda lo ta ilegal.
Anteriormente, e muhe cu aborta na Sur Korea por ricibi castigo di un aña di prizon y un boet di 2 miyon won ($1,780 dollar). Mientras cu medico of trahado di salud cu ta yuda interumpi un embaraso por bay prizon pa 2 aña.
Aunke e huicio tabata straño, e no tabata desconoci. Mayoria di muhe di 15 pa 44 aña ta considera cu e ley ta inhusto, segun e resultado di un encuesta publica e aña aki pa e instituto di salud y asunto social di e pais. Mas di 20% di e personanan encuesta a bisa cu ya a yega di haci un aborto, a pesar di ta ilegal.
E reciente presion pa kita e castigo pa e practica di aborto, a ser rechasa pa grupo conservador y religioso, algun cu tin conexion cu e campaña Mericano contra aborto.
