Walmart ta contratando robot pa reemplasa hende den tareanan cu humanonan ‘no gusta haci’. Den un intento pa spaar placa den costo di labor, ta contando cu robot pa haci vloer limpi, check inventario, y yena articulonan den tienda, segun The Wall Street Journal.
Walmart tin varios tarea pa e robotnan nobo. Robot cu ta haci vloer limpi ta yegando na 1,500 tienda. E compania ta bisa cu anteriormente lo dura dos pa tres ora cada dia pa un humano completa e trabou. Walmart tambe ta añadiendo 600 faha cu por separa inventario automaticamente, y sikiera 300 robot cu por check si e rekinan ta bashi, desde cu Walmart a inicia test di e tecnologia aki na 2017.
Tur esaki ta yegando a costo di labor humano. Mientras mas robot ta traha na Walmart, mester menos hende pa cada tarea, y ta spaar mas placa rond di su 4,600 tienda na Merca. Walmart ta bisa cu maske ta cortando labor pa tareanan manera haci vloer limpi, nan ta contratando empleadonan pa enfoca riba crece nan negoshi di comestibel online. E movida tambe ta yega despues cu companianan manera Target y Walmart a anuncia un crecemento chikito den salario di nan trahadonan.
Walmart ta parce di ta purba di haci su servicio di comestibel online competitivo cu AmazonFresh y e servicio di entrega Amazon Prime Now Whole Foods, tur dos ta expandiendo. Mientras Walmart fisico a wordo pusha pa adkiri Jet.com y establece un presencia mas grandi online, Amazon a añadi tiendanan fisico pa su ofertanan di e-commerce, y a cuminsa sigui marcanan tradicional. Apenas siman pasa, Amazon a anuncia un ronda di baha prijs na Whole Foods pa berdura berde y fruta tropical. E compania tambe tin plan pa expande su tiendanan di comestibel den ciudadnan grandi na Merca e aña aki.
