Energia di biento ta algo cu mester di un monitor continuo y te ainda WEB no tin e conocemento di esaki, segun director di WEB, Luis
Oduber.
Aunke cu tin cu bisa cu mirando e desaroyonan mundial, awendia toch e ta bale la pena. Energia di biento awor aki ta yuda nos hopi, pa loke ta gasto.
El a demostra di ta un tecnologia cu en berdad ta reduci
gasto. Loke ta evaluando si den futuro, sea cu ta bay instala, ta bay
cumpra e parkenan over pa por manehanan completo. Tin retonan,
ekiponan cu ta move na un haltura bastante grandi. Hopi biento, ta un
tecnologia caminda cu mester tin monitor continuo y WEB no tin e
conocemento aki. Kisas den futuro por siña y tuma e parkenan
completamente over. Pero a corto plaso esey ainda no por cuminsa bay
den e direccion ey. Ta prefera pa cumpra e coriente pa wordo produci,
laga tur e mantencion den man di e expertonan y lo deal cu e balans di
energia via solo of via otro tecnologia cu ta evaluando pa un biaha
mas salvaguardia y garantisa e suministro na comunidad di Aruba y
suministro continuo, Oduber a splica.
Urirama ta sigui
Riba esaki tin indicacion cu e windpark di Urirama ta sigui. Oduber a
splica cu WEB tin palabracionnan cu e compania di parti di Parke
Urirama y parti di Vaderpiet. A palabra cierto prijs y condicionnan di
e contract, con e ta bay wordo maneha, segun director di WEB Aruba NV,
sr. Luis Oduber. E ta splica cu actualmente WEB ta den control di
Windpark Vaderpiet. Intencion ta pa Urirama bira mesun cos, caminda cu
por controla e gasto cu tin cualkier disturbio, por reduci of aumenta
e produccion. Di parti di WEB, ta wardando pa e permisonan keda cla cu
nan lo por cuminsa cu construccion. Tin plan caba riba mesa detaya,
pero si no completamente traha, pasobra ta warda e momento caminda cu e
permisonan ta cla, pa bay den detaye pa ehecucion. Fuera di esey ta en
espera pa nan haya e permisonan necesario pa por cuminsa construi e
parke di molina na Urirama.
