Mushroom cu ta come plastic por ta e solucion pa haci nos dumpnan limpi

Manera nos tur sa, plastic ta un producto controversial, no unicamente acumulando na dump, sino tambe contaminando e partinan mas remoto di nos oceannan. Sinembargo, nos dependencia riba productonan di plastic ta nifica cu produccion di plastic ta sigui crece cada aña.

Sinembargo, descubrimento di un tipo di mushroom nobo por hunga un rol crucial den combati contaminacion plastico, y ademas por tin un cantidad di uzo pa alivia algun di e crisis ambiental cu e planeta ta enfrenta.

Descubri na 2012 pa studiantenan di Yale University, Pestalotiopsis microspora ta un especie poco comun di mushroom for di selva Amazonico cu por subsisti riba un dieet di plastic puro, of pa ta mas specifico, e ingrediente principal den plastic – polyurethane – prome cu coverti e ingrediente den materia puramente organico.

Ademas di biba di nos desperdicio plastico, Pestalotiopsis microspora tambe por biba sin oxygeno – kiermen e mushroom lo ta un agente ideal di limpiesa pa dump, lideralmente di e fondo bay ariba.

Mientras e idea ta mustra fantastico, algun cientifico a expresa speransa cu e mushroom por ta e base di e centro di tratamento di desperdicio comunitario den futuro – reemplasando nos practica actual di tira tur nos sushi den dump gigante centralisa, cu centronan di ‘compost’ comunitario, of hasta kit di recyclahe na cas, segun Epoch Times.

Ademas, no ta e unico mushroom cu ta come plastic – y algun di su familiarnan ta completamente sigur pa humano consumi.

Den un estudio lidera pa Katharina Unger pa Utrecht University, mushroom oyster y otronan a wordo poni den cup cu desperdicio plastico, y teni den un ambiente cu clima controla. Despues di como un luna, e raiz di e mushroom a consumi y transforma e plastic den un biomass comestibel – of cuminda – cu ta completamente liber di cualkier toxicidad di e polyurethane. Ademas di ta completamente liber di plastic, e producto final tambe tabatin un bon smaak, segun Unger, kende a describi esaki como ‘zoet cu e holo di anis of drop’.

Kiermen, pa prome biaha den historia, desperdicio plastico por bira parti di nos cuminda – den un forma delibera y sorprendentemente saludabel.

E maneho y eliminacion di desperdicio plastico ta entre e retonan mas grandi nos ta enfrenta den salba nos medio ambiente. Pero si e velocidad natural di descomposicion por wordo reduci for di 400 aña na apenas algun luna, e mushroomnan aki pronto por domina mundo.