Un raket cu a ser dispara for di Gaza a causa cu 7 persona a keda herida na Israel despues cu esaki a alcansa un cas na e region Sharon, na e parti nort di Tel Aviv. Entre e heridonan tin un mucha y tin dos hende muhe den situacion critico.
Segun diferente fuentenan di noticia ta raporta, net prome cu e raket a alcansa e cas, e alarma aero a zona. E presidente di Israel Netanyahu, kende ta di bishita actualmente na Washington pa un encuentro cu presidente Donald Trump a categorisa e situacion como uno criminal y a priminti di lo ‘dal duro bek’.
Despues di e encuentro cu Trump, e premier Israeli lo regresa bek pa atende e situacion. Segun un vocero di e armada Israeli, e raket a wordo tira door di Hamas, kende ta controla e region di Gaza. Testigonan a raporta cu lidernan di Hamas a bay ‘underground’ (sconde) y tin hendenan yega na e organisacion cu ta ser evacua.
Potret ta di ANP y nos.nl.
