Shete persona a fayece y varios a resulta herida pa yobidanan fuerte cu a cuminsa diadomingo ultimo den e region di Sao Paulo, esaki ta locual e cuerpo di bombero a informa. Ta parce cu e tormenta cu a causa e blokeo di varios caminda di acceso pa e capital lo continua durante dia.
Na e municipio di Ribeirão Pires, cuater persona a fayece y dos a resulta herida ora cu un cas a collapse, mientras cu otro dos persona a muri na Avenida dos Estados, na e capital di Paulista y un di shete victima na San Bernardo do Campo.
Segun bomberonan, te na e momentonan aki 78 mata a cay, y a produci 76 avalancha di tera y tambe tabatin 698 inundacion na diferente zona di Sao Paulo.
E avalancha di tera a causa collapse di mas o menos cuater cas den diferente area lagando varios persona herida. Specialmente den vecindario di São Rafael, den e parti oost di e capital un avalancha di tera a collapse un cas y un muhe y su dos yiunan a wordo herida, pero ningun di nan tabata grave.
Autonan a wordo lastra pa awa y e bomberonan tabata rescatando hende den boto y via helicopter.
