Diaberna 10or di mainta a continua cu negociacion di CAO entre Kooyman y sindicato FTA, bou guia di mediador di gobierno. No a logra jega na un acuerdo. Despues di 3or di atardi, ora cu FTA a bai for di mesa, un parti di e personal a blokia entrada. Kooyman no ta aproba e conducta aki. Kooyman ta reconoce e derecho di welga, pero blokeo di entrada di Kooyman ta inacceptabel y a tuma pasonan legal di esnan responsabel pa daño cu esaki ta trece cune.
E punto di discucion ainda ta e exigencia di sindicato FTA pa un aumento structural adicional na Kooyman su systema di evaluacion anual entre 2% cu 4%. Kooyman ta lamenta ademas cu durante intento di negociacion, ta parce cu no a tene suficiente cuenta cu e argumentonan
cu Kooyman a trece dilanti.
En corto e argumentonan ta encera cu competencia no ta para keto entre otro den megastores pero tambe den hopi punto di compra chiquito di hardware y compra via internet. E sector di retail y construccion no ta para keto y ta experiencia stagnacion den e mercado. Kooyman ta obliga di no subi su averahe salarial den e mercado competitvo aki.
Systema structural durante ultimo añanan a trece cune cu personal a bai un averahe di 20,6% dilanti den salario entre aña 2011 y 2016. Tambe den e propisicion nobo di CAO di periodo 2017 te cu 2019, Kooyman ta aumenta salarionan anual automaticamente cu 2% te cu 4% pa e gran mayoria di su empleadonan. Esaki ta representa mas of menos 90% di su empleadonan.
Pa ilustra e manera di e systema periodico di evaluacion den practica, Kooyman ta duna siguiente ehempel. Salespersons cu solamente educacion secundario cu a drenta servicio 10 aña pasa tabata gana un salario di Awg. 1425,- pa luna, inclui vakantietoelage y 13de maand como bonus salarial den luna di december. E mesun empleadonan ta gana awor den e mesun funccion, un salario di Awg. 3000,- pa luna. Kooyman ta inverti considerablemente den training di su empleadonan, cu efecto cu su balor den e mercado laboral ta crece significantemente compara cu otro circumstancianan comparabel. Kooyman ta insisti cu su pakete di condicionan laboral ta hopi mas halto cu e averahe den e sector di retail.
Kooyman ta keda habri pa negociacon y ta confia di por jega na un acuerdo cu sindicato FTA mas pronto cu ta posibel. Durante negociacion Kooyman ta keda habri pa su clientenan.
Comunicado Kooyman
