(LaPatilla/WallStreetJournal) – E inventario di petroleo di Venezuela a subi te na e nivel mas halto den cinco aña, segun dato suministra pa satelite, un señal cu e sancionnan Mericano ta restringiendo e benta di crudo.

Na januari Merca a impone sancion riba Pdvsa y e medidanan aki ta destina na retene e ganashinan di benta di crudo na Merca, kitando nan di gobierno di Maduro y poniendo nan na disposicion di gobierno interino di Guaido.

Siman pasa e inventario di crudo Venezolano a alcansa 32.8 miyon bari, un record cu t bay te na januari 2014, segun e firma di investigacion Orbital Insight, cita pa Wall Street Journal.

Orbital Insight ta usa imagen di satelite pa midi e reservanan di crudo den henter mundo. Desde cu a anuncia e sancionnan di 28 di januari, e cantidad di petroleo crudo na Venezuela a aumenta cu casi 2 miyon bari, segun e datonan di e firma ta mustra.

Mario de la Ossa, specialista di energia na Orbital Insight, a bisa cu ta probable cu e inventario lo sigui crece, ya cu e actual importadornan mas grandi di crudo, China y India, ya ta bon abasteci. E datonan di Orbital Insight ta mustra cu e e inventarionan di petroleo a aumenta cu alrededor di 5,6 miyon bari na India e aña aki y cu 17,6 miyon bari na China.

Venezuela por enfrenta otro desafio pa manda crudo pa Asia, Michael Tran, experto strategico global di energia di RBC Capital Markets, ta bisa. E costa di Golfo di Merca ta un destino ideal pasobra su refinerianan por absorbe e crudo Venezolano, y su proximidad ta significa un pago mas rapido, e ta bisa. Un biahe mas largo pa Asia lo significa retraso den e pago di crudo.

Venezuela también está compitiendo con otras naciones productoras de petróleo para enviar más crudo a Asia, donde la demanda de petróleo continúa creciendo, agregó Tran.

“En realidad, ta bastante dificil canalisa esencialmente tur e barinan Venezolano ey pa Asia. “E camponan di bataya ey ta ferozmente competitivo desde un perspectiva di participacion di mercado,” Tran a declara.

E empresa di rastreo di carga ClipperData ta calcula cu e cu e recuperacion mas grandi di e fluhonan comercial e luna aki di Pdvsa ta e petroleo destina pa India.

Un serie di acuerdo di prestamo pa petroleo cu China ta mantene cu Venezuela tambe por complica e compranan di crudo. Na inicio di aña, e diplomaticonan Chines a tene conversacion di negociacion di debe cu representante di Guaido, den un intento pa salvaguarda e inversionnan di China na Venezuela, asina The Wall Street Journal a informa recientemente.

E siman cu a pasa un comision di nivel halto di gobierno Chines tabata na Venezuela, segun informacion di lapatilla.com. Fuentenan extraoficial a informacu ademas di reuni cu regimen di Maduro, tammbe nan a papia cu algun miembro di oposicion.

Citgo Petroleum Corp., un subsidiario di Pdvsa y e importador Mericano mas grandi di crudo Venezolano, desde aña pasa october, ta perdiendo inventario den un epoca di aña den cual mas tanto e inventario ta crece. E analisis di Orbital Insight di imagen di satelite ta mustra un disminucion di alrededor di 530.000 bari na e refinerianan di Citgo na Merca desde 28 di januari di e aña aki.

E inventario offshore di Citgo na Aruba tambe lo a cay cu mas di 2 miyon bari, ya cu e compania na Merca mester a recuri na esaki pa obtene suministro adicional, segun de la Ossa.