INDIA – E prome minister di India a adverti ayera, den un contesta aplastante pa e atentado suicidio cu bomba conta militarnan den e region di Cachemira, cu ta wordo controla pa e pais. El a mata 41 persona y ta esun mas letal di e historia di e region dividi.
Narendra Modi, kende ta e prome minister, a culpa e persona cu a causa bom na e pais bisiña Pakistan. Tambe India ta bisa cu e pais ta apoya rebeldenan di Cachemira. “Nos pais ta kere cu atakenan asina por pone nos debil, pero su plan no a materialisa”, sr. Modi a bisa.
Agregando cu na e forsanan gubernamental a duna libertad pa trata cu militarnan. Cu permiso cu nan por tuma decision na e momento, luga y e naturalesa duna su contesta. E partido gobernante di Pakistan a rechasa e acusacion di Modi.
“E acusacion di India conta Pakistan ta forma parti di un campaña electoral”, asina Naeemul Hag a bisa, kende ta un lider importante di partido Tehreek-e-Insaf, cu a yega na poder den eleccion parlamentario di aña pasa.
E atake a provoca tension halto den e pais bisiñanan, mirando cu tin arma nuclear cu ta wordo administra den teritorio. E ministerio di relacion exterior di Pakistan ta bisa cu e pais ta condena violencia den cualkier luga na mundo, y a nenga participacion.
Na India, e atake a aumenta tension den otro parti di e pais mayoria hindu. Centenares di residente tin nan bandera nacional cu ta domina pa hindu, mientras e estado di musulman a kima auto y tira piedra den barionan musulman, asina autoridad ta bisa.
