ORANJESTAD – Diaranson siman pasa a cera e restaurant Boca Prins, cu ta keda den Parke Nacional Arikok. Den un conferencia di prensa ayera mainta, a puntra minister di salubridad, Dangui Oduber (MEP) con e situacion ta ainda cu e restaurant.
E mandatario ta bisa cu a ricibi diferente melding cu in situacion cu no ta cumpli cu e condicion di higiena. Departamento di salud publico a haci control, y en berdad a encontra diferente aspecto cu e restaurant no a tene su mes na dje.
A cera e restaurant pa 48 ora, pa splica e doñonan e condicion cu mester cumpli cune pa habri e restaurant. Si acaso no ta cumpli, ‘ami como minister tin autoridad pa cera e luga permanentemente’.
E ta spera cu e doño ta consciente y cumpli cu e condicion di higiena. “Pa nos local y turista ta importante pa nan cumpli y stipula na momento cu control wordo haci”, e mandatario a bisa.
