Alemania a añadi casi 3 gigawatt di generacion di energia solar nobo na 2018, como 68 porciento mas cu e aña anterior, entre un caida den prijs pa sistemanan nobo.
Pero e asociacion di industria solar di e pais, BSW, a bisa ayera cu Alemania mester 8.5 GW di sistema photovoltaic nobo anualmente pa por cumpli cu su demanda pa energia a largo plaso. Alemania tin plan di cera porta di tur su plantanan nuclear pa aña 2022, y gobierno ta considerando un propuesta pa stop di kima carbon pa electricidad no mas laat cu aña 2038, den un esfuerso pa stop emisionnan di gas di invernadero.
E economia mas grandi di Europa ta depende fuertemente di suministro confiabel di electricidad. Solar a contribui como 8 porciento di e energia di Alemania aña pasa. Na 46 GW, Alemania tin e di cuater capacidad solar di mas grandi, despues di China (174 GW), Merca (63 GW) y Hapon (60 GW).
