ORANJESTAD – Un di importancia cu señora Miriam De L’isle di fundacion crea arte a bisa cu ta importante pa mayornan mustra interes pa locual e muchanan gusta haci den nan actividadnan.
Segun sra. De L’isle tin muchanan cu ta bayendo mal caminda na un edad hoben. Nan ta for di trempan riba caya. Pa nan ta bon pa nan cuminsa bay un actividad sea den deporta of arte. Cualkier cos cu ta distrae e mucha di coy un mal caminda.
Den esaki sra. De L’isle ta bisa cu ta importante pa ora e muchanan atende nan actividad pa e mayornan sa kico nan yiu ta haci y mustra interes pa e trabou. Di nota esey e muchannan tin mas interes pa bay nan les, nan ta mas encurasha.
Pa locual ta fundacion crea arte su actividad tin varios grupo cu ta bay 3 biaha pa siman. E no ta tuma mucho mucha den un grupo asina e por dedica tempo na cada mucha manera mester ta pa nan por crece den e arte. E ta remarca cu luga tin biaha ta hinca hopi muchanan y e dedicacion no ta esun corecto. E fundacion tambe ta crea workshops durante algun temporada pa esnan cu ta interesa.
E lesnan ta pa cualkier edad, adulto, muca y hoben. Si e ta encera pa mucha sra. De L’isle e ta duna nan les si e mucha ta den eerste klas. “E problema di mucha cu no ta den eerste klas ta cu nan no ta disciplina. Na Hulanda cu 6 aña muchanan ta disciplina y siña traha cu e muchanan cu trabou nan fini, akinan no. Esnan cu no ta bay eerste ta den dificultad cu no tin e conocentracion, atencion y nan pinta sloridg. Den eerste klas nan ta siña concentra tiki disciplina pa wak e color.”
Sinembargo na e fundacion ta haci variedad di cosnan manera prueba di color, traha cu diferente detayes. Tambe cu tecnica di aquarel cu nan lo cuminsa traha. Cada aña nan ta enfoca riba temanan specifico. E aña aki e tema ta riba fauna. Locual ta psia, parha, animal mas grandi ‘tur aña ta cambia’.
Sra. De L’isle ta bisa cu cada biaha ta importante pa mustra cultura difrente. “Textile cu indjan di panama ta traha. E ta gara e forma aki di arte. E muchanan ta siña ta traha esaki, ta traha cu riba canvas, puffy paint. Algun producto cu mosaic, anto e aña aki nos ta traha klei. Ta encurasha e muchanan pa nan mes por traha nan ingredient mescla cu diferente cosnan cu nan ta siña den les pa sigui crea.
