E tecniconan cu ta participa den e rescate di Julen, e mucha di dos aña cu a cay den un pos fin di siman pasa na Totalan (sur di Spaña), ta confia cu nan por yega na e mucha prome cu dialuna, a pesar di e numeroso dificultadnan cu nan a bin topa.
E ekiponan di rescate ta traha contra oloshi pa localisa y yega te unda e mucha ta. E pos den cual el a cay ta 110 metro hundo, pero e buraco tin solamente 25 centimetro di hancho.
E responsabel di e operativo, Angel Garcia, a splica diabierna pasa na prensa cu nan ta spera logra e obhetivo pa awe,dialuna, ora cu ta spera di conclui e perforacion di e tunnel vertical di 80 metro riba cual tabata trahando ainda, y ainda ta keda pa traha e galeria horizontal pa conecta cu e pos. Garcia a reconoce cu e plazo nobo aki ta mas aleha di loke tabata programa inicialmente, ya cu nan a bin topa cu un capa di baranca, cu a tarda e proceso di saca tera.
Un aparato ‘geolocalisador’, aporta pa e compania cu a yuda den e rescate di e 33 mineronan Chileno cu tabata atrapa bao tera pa 70 dia na 2010, a permiti determina cu e epos den cual Julen a cay tin un desviacion entre e boca y e fondo. Zesey lo permiti haci calculo mas exacto. Na mas di un siman caba desde cu e mucha a desaparece, e speransa cu ta hay’e nan bida ainda a bira menos.
