Un scan di reconocemento di cara lo por bira parti di un chekeo medico standard den futuro cercano. Investigadonan a mustra con aligoritmonan por yuda identifica caracteristicanan facial relaciona cu desorden genetico, potencialmente haciendo diagnostico clinico mas lihe.
Den un estudio publica e luna aki den Nature Medicine, compania Mericano FDNA a publica test nobo di nan software, DeepGestalt. Manera reconocemento di cara regular, e compania a train nan aligoritmonan mediante analisis di un set di data di cara. FDNA a colecta mas cu 17mil imagen, cubriendo 200 diferente syndroom uzando un app di celular conoci como Face2Gene.
Den su prome dos test, DeepGestalt a wordo uza pa busca desordennan specifico: syndroom Cornelia de Lange y syndroom Angelman. Esakinan ta dos condicion compleho cu ta afecta desaroyo intelectual y mobilidad. Nan tin caracteristica distinctivo tambe, manera wenkbrauw den arco cu ta conecta den center pa syndroom Cornelia de Lange, y cuero y cabey inusualmente cla pa syndroom Angelman.
Ora di distingui entre potret di pashentnan cu un syndroom, of pashent cu otro syndroom aleatorio, DeepGestalt tabatin mas cu 90 porciento precision, mas cu dokter experto, kende tin como 70 porciento precision den testnan similar. Ora a test e programa riba 502 imagen mustrando individualnan cu 92 diferente syndroom, DeepGestalt a identifica e condicion target den su 10 posibel diagnostico mas cu 90 porciento di biaha.
Sinembargo, expertonan ta bisa cu e sorto di aligoritmo aki no ta un bala di silver pa identifica desorden genetico poco comun. Den caso di identifica mutacion genetico, dr. Bruce Gelb, profesor na e Icahn School of Medicina na Mount Sinai y un experto den syndroom di Noonan, a bisa cu e contesta definitivo di un test genetico lo ta mas util.
“Mi no por compronde cu no lo manda e panel test y haya sa cua e ta precies”, Gelb a bisa, agregando sinembargo cu e aligoritmonan ta ‘impresionante’. Gelb tambe a nota cu DeepGestalt a wordo desaroya y test riba un set di data limita, di muchanan relativamente jong, y lo por tin dificultad pa identifica desordennan den individuonan mas bieu, unda caracteristicanan facial ta bira menos distinctivo. Ademas, investigacion di terceros den e hermentnan di FDNA tambe a sugeri un prehuicio racial: e aligoritmonan ta hopi mas eficiente riba caranan Caucasico cu Africano.
FDNA ta consciente di e fayonan aki, y e investigacion di e compania ta referi na DeepGestalt como un potencial ‘herment di referencia’ – algo cu, como otro software di inteligencia artificial (AI), lo asisti, no reemplasa, diagnostico humano.
