AMSTERDAM – Segun cifranan di Dutch Transplant Foundation (NTS) ta mustra cu aña 2018, tabata tin un aña record pa locual ta trata personanan cu ta duna nan organonan pa donacion despues cu nan muri.
Un total di 273 persona cu a fayece a duna nan organonan pa donacion, di un total di 336 persona cu ta registra como donor.
E number di transplante tabata na 815 un 15% mas cu e aña anterior. Tabata tin un disminucion chikito den number di donatenan bibo di 561 pa 522. E donacionnan di organonan bibo casi semper ta involucra riñonnan. NTS a bisa cu un cambio den e reglanan tocante di donacion di tehido pa asina permiti ta tuma tehido di personanan cu a sufri di un intoxicacion cu sanger tabata responsabel pa un parti di e aumento.
Aña pasa 2398 persona a duna nan tehido manera cuero y weso como donacion , esaki ta wordo uza den casi mita di tur e transplantenan. Bernadette Haasse, director di NTS a bisa, ”Aunke e crecemento den e transplantenan di organo y tehido ta un desaroyo hopi spera, y ainda nos no ta eynan. Ainda tin personanan cu ta fayece pa motibo cu nan no a ricibi un organo na tempo.”
