Aña pasa a tende cu Apple lo por tin plan di lansa su hopi anticipa servicio di TV den e prome mita di aña 2019, y e mesun CEO Tim Cook a duna veracidad na e rumornan – bisando e anfitrion Jim Cramer di Mad Money, di CNBC, den un entrevista exclusivo, cu e compania lo anuncia ‘servicionan’ nobo e aña aki.
Mientras Cook no a specifica ki sorto di servicionan – Cramer tabata puntra si Apple tabatin algun sorpresa, incluyendo cuido di salud of pagonan mobil – e servicio di TV ta esun cu ta mustra di ta preparando.
Durante CES 2019, tin algun anuncionan sorpresa di fabricantenan di TV, cu repentinamente ta apoyando e caracteristicanan AirPlay2 y HomeKit di Apple pa permiti bo pa baha contenido directamente di bo iPhone, iPad and Mac – incluyendo sistemanan rival di Google y Samsung. TV nobo di Samsung lo por carga iTunes tambe, permitiendo acceso na pelicula y show di TV riba esaki tambe.
No lo ta un sorpresa si Apple ta preparando cu e fabricantenan di hardware aki pa e lansamento di un servicio di television. Ademas, e contenido: The Verge a reporta juni di aña pasa con Apple a gasta mas di $1 biyon den contenido di television original, sin ningun luga obvio pa e usuarionan mira esaki. Otro reporte a sugeri cu algun di e show original aki tabata cla pa wordo debuta den maart. Y otro mas a bisa cu e shownan en cuestion lo ta gratis pa personanan cu tin aparatonan di Apple.
Pero si e servicio di TV ta un di esunnan cu Cook a menciona, no sa precies di ki otro servicionan Apple ta papiando.
