Na tereno di KIA diaranson mainta tabata tin un protesta caminda preso nan rond di
9or di mainta a rebelia y cende candela den KIA. Brandweer, Ambulance, Polis y Riot Comando hunto cu mas hefe nan halto di polis tur mester a presenta cu urgencia na KIA pa asina trata di mantene situacion bao control. Aparentemente lo tin 11 persona herida, no ta sigur di e gravedad. Ambulance a bay cu hende y tambe por trata cu e ta un preso mes. Caminda nan pa KIA ta sera den e momento nan aki y e autoridad nan necesario ta den e compleho.
KIA pa basta tempo caba ta den mal situacion. No ta prome biaha cu esaki ta sosode na KIA cu preso nan ta lanta pa motibo cu e estado di KIA ta hopi malo y en berdad mester renobacion.
Minister Dowers a yega di remarca cu tin mester di un prison nobo pero cu no tin placa pa esaki. Ainda no ta completamente conoci pakico e protesta aki a inicia.
Keda pendiente cu Bon Dia pa mas informacion
