Seguro di biahe ta importante segun algun, pero na Aruba por nota cu no tur hende ta paga un seguro prome cu nan bay biaha, paso segun e compania di seguro, no ta mira e importancia.
Bon Dia Aruba a yama algun compania di seguro pa asina puntra e importancia di tin un seguro di biahe y si na Aruba hende ta biaha cu seguro. Mayoria a comparti e mesun comentario cu ta wak cu mayoria di persona no ta wak e importancia.
Un trahado di Massy United Insurrance ta bisa cu tin algun, pero cu ‘mayoria’ no ta busca un seguro prome cu bay biaha. “Nos ta tende hopi di persona cu ta bin di afo, cu no tin ora nan yega Aruba. E importancia di ora persona kibra algo, e persona bira malo anto e gasto lo ta mas pisa riba e persona.”
Segun e trahado di Massy United Insurrance, tin dos opcion di biaha pa motibo cu nan ta compania di Merca, dus nan ta duna pa Merca y internacional. Locual kiermen cu si nan bira malo, nan por contact e number internacional di caminda cu nan por haci uzo di dje.
Den caso cu si e pais exigi pa paga, e ora e persona por paga y ora e yega bek e por claim e gasto. Pa Merca por haci esaki paso e ta un compania di eynan y ta flexibel, pero pa otro paisnan e ta varia y ta depende di e pais con nan reglanan ta.
Por lesa e articulo completo riba pagina 3 di e edicion di 27 di augustus 2018.
