Segun Tom Calame cu ta GM na Marriott, awor aki ta sinti cu dentro di e mercado for di un punto di bista individual Marriott ta bende mas parti sin pakete. For di un perspectiva di grupo, ta mira un demanda halto caminda cu gruponan kier wak kico nan ta gasta y ta prefera pa tin pakete.
Definitivamente tin un demanda, pero riba e punto aki ainda ta sinti cu e otro strategia pa nan ta e miho strategia, p’esey ta sinti cu e ley aki no ta bon pa nan, mirando cu nan no ta bende All inclusive exclusivamente. Marriott ta purbando di percura pa atrae clientenan cu kier cumpra separadamente y uza otro acomodacionnan riba e isla den sentido di experiencianan culinario. Ta pensa cu e modelo economico t’ey pa keda y no ta mira ningun necesidad pa switch den futuro, pero kier tin e flexibilidad y kier percura pa inversionistanan gasta den e propiedad, no mira nan licencia cambia.
Calame tabata t’ey den e region pa hopi aña y tin mercadonan cu ta cuminsa cu all inclusive y despues ta envolvi EP models y despues tin EP models cu ta bira bay den all inclusive.
Si mira por ehempel Cancun, tin hotelzone y tin e Riviera Maya, cu ta predominante all inclusive. Tin hende a pensa cu e hotelzone ta bay converti den all inclusive. Pero hopi aña despues, el a keda predomenante bon cu e EP model. Uno mester ta abierto pa cambio. E mester lag’e pa e mercado pa percura cu e ta ahusta na e dinamica di mercado. Na final ta e cliente ta esun cu ta cumpra y si no ofrece loke e kier, e ora ta perde.
Aruba no mester depende di e volumen cu ta bin pa all inclusive so. Tin high end all inclusive, tin hotelnan exclusivo cu ta ofrece paketenan all inclusive. Tin diferente dinamica cu por ta hopi saludabel pa e economia Arubano, Calame a finalisa.
