A puntra Minister encarga cu husticia Arthur Dowers si hende yega illegal sea ta cu boto of via di aeropuerto anto nan wordo gara, nan por pidi pa asilo politico? El a bisa cu e situacion no ta asina grave na nos pais bisiña aworaki cu lo por hustifica pa personanan pidi pa asilo politico.
E minister a splica cu e proceso di asilo politico ta uno cu ta cana via di Dimas cu gobernador y no ta un proceso di hustica. “Sinembargo, no ta asina facil cu tur hende por djis yega pidi asilo politico. Pasobra na e moementonan aki no tin un situacion cu ta hustifica esaki. Si bo tene cuenta, e situacion economico na nos pais bisiña berdad ta malo, pero no ta hustifica cu por pidi asilo politico. Asilo politico tin henter un procedura y tambe rasonnan bou di cua un persona por bini na remarke pa esaki.”
A puntra kico husticia ta haci anto na momento cu gara un persona y e bisa esaki. E mandatario a bisa di no ta bay mucho den detaye pa no yama niun hende pa bin Aruba. “Locual cu ta haci ora cu gara un persona na frontera, e prome paso ta cu nan ta bay den detencion pendiente pa wordo manda bek bo pais como cu bo a drenta illegal,” Sr. Dowers a splica.
