(lapatilla.com) – Den un pais unda estado ta supuestamente reserva e posesion y control di arma y municion,e homicidionan no ta para, aunke cu e cantidad di e delito aki a baha, compara cu aña 2017. Algun specialista riba e tereno aki ta atribui e descenso, no na e politica publico ni na prevencion, sino na e hecho cu ciudadanonan ta menos riba caya durante cierto oranan y ta bay menos na cierto sitionan.
Un total di 2.561 homicidio a keda registra pa e Observatorio Venezolano di siguridad Ciudadano (OVS), entidad liga na ministerio di poder popular pa relacionnan Interior, Husticia y Paz, desde prome di januari te 18 di maart 2018, loke ta un tasa di homicidio di 8 pa cada 100.000 habitante.
E estadonan cu ta den e prome cinco puestonan mas halto den e plaga aki ta esunnan goberna pa e partido den poder, PSUV di presidente Nicolas Maduro. Nan ta Miranda, Aragua, Zulia, Carabobo, y Bolivar, sigui pa Distrito Capital.
Encuanto e resto di e delitonan,tin registra pa e aña aki 30.075 caso denuncia, cu un tasa di criminalidad di 94 pa cada 100 mil habitante.
Tumando como referencia estado Miranda, OVS a indica cu e asesinatonan a disminui cu 41,5% compara cu e mesun periodo di 2017, cu ta 263 morto menos.
Di acuerdo cu e estadisticonan e dianan cu ta figura como esunnan mas violento den e lapso consulta ta diamars cu 26,5%, diabierna cu 20,6% y diasabra cu 14,7%. E reglamento di cuenta ta posiciona na prome luga den e lista di causa di morto cu 79,4%, sigui pa “pa determina ainda” cu 14,7%. Arma di candela ta sigui como e instrumento mas uza pa e delincuentenan cu 97,1%.
E municipionan cu ta presenta ne registro mas fuerte den esaki ta Sucre cu 77 morto, Lander cu 34, Acevedo cu 31, Guaicaipuro cu 30, Zamora cu 30 y Plaza cu 28.
Den un proximo entrega OVS lo duna di conoce cual ta e estadisticonan di otro delito manera robo, ladronicia, incluyendo di vehiculo, secuestro, entre otro.
