Te cu ayera mainta prome minister, Evelyn Wever-Croes (MEP) ainda no tabatin niun notificacion oficial riba un posibel flexibilidad di vuelonan aereo cu Venezuela, despues cu e gobierno di e pais bisiña aki a dicidi di fortalece e embargo contra nos isla siman pasa.
E ta haya cu e situacion aki ta uno dificil, ya cu bo no por goberna sin tin un bon relacion cu bo pais bisiña. “E ta molestioso. E ta cansa hende”, el a bisa. El a laga sa cu diabierna siman pasa atrobe un grupo di ciudadano local tabata pega na Venezuela. Dialuna premier di Aruba a papia cu embahador di Reino na Caracas caminda e diplomatico aki ta sigui haci su intento pa yega di lanta e embargo unilateral di Venezuela contra Aruba.
Memey di e retonan cu su gobierno tin actualmente, e prome mandatario no a descarta pa atende y reestablece e relacion bilateral cu Venezuela. E no ta na haltura di un supuesto reunion cu e directiva di e companianan aereo cu ta opera entre ambos destinacion tin .
