E referendum aki lo tuma luga na oficina di mediador di gobierno mes for di 3’or te cu 5’or atardi.
Mediador di gobierno, Anselmo Pontilius a declara na Bon Dia Aruba cu un grupo grandi Post Aruba a bay y afilia na sindicato STA. E proceso pa convoca e referendum aki a cana segun ley di referendum. STA ta e unico sindicato cu aworaki a pidi pa participa den e referendum aki.
Sr. Pontilius a bisa cu e referendum aki lo tuma luga mañan diamars 23 di januari den e orario indica ariba. El a haya un lista di mas trahado e ta kere di alrededor di shen trahado cu lo bay participa na e referendum aki. Si den caso STA ta haya e mayoria di e 50% plus un di e total di trahadonan cu a bay vota, logicamente nan lo haya e representacion oficialmente di e trahadonan di Post Aruba.
