– Actualmente tin varios comentario riba rednan social tocante e rosamento na Bubali Plas y si esaki en berdad tabata necesario. Greg Peterson, presidente di Aruba Birdlife Conservation sinembargo tin poco pregunta pa D.I.P. pasobra segun su investigacion, e rosamento na Bubali plas ta contradeci e Ruimtelijk Ontwikkelings Plan (R.O.P.)
Riba Facebook, sr.Peterson a pone diferente potretnan cu ta indica cu Bubali Plas ta realmente cay bao di Groen Gebied cual ta areanan protegi y sinembargo a permiti di rosa esaki pa motibonan di construccion. Sr. Peterson kier recorda tur hende cu esaki no ta un asunto personal ni tampoco uno politico. ”Nos ta hopi preocupa pa Aruba su naturalesa. Esaki ta e unico motibo pakico nos fundacion ta existi.” Sr. Peterson ta bisa.
Aruba su flora y fauna no por papia pa su mes
”Nos kier pidi respectivamente pa e minister cu ta encarga cu Medio Ambiente y Naturalesa y tambe su departamento pa por fabor considera locual nos ta trece pa dilanti, si esaki ta den violacion di e R.O.P., por fabor tuma accion inmediatamente” , Sr. Peterson ta sigui splica.
Riba e potretnan cu sr. Peterson a pone riba su Facebook e ta bisa cu bo por mira cu ta obvio cu tin un pida tereno basta grandi ariba di e canal cual ta parti di e R.O.P. su Groen Gebied caminda no mag di wordo desaroya. Bon Dia a tuma contacto cu D.I.P. y ta wardando riba declaracion di sra. Isabel Dammers cu actualmente ta haciendo su mesun investigacion riba esaki.
.jpg "Philipine van Aanholt 26 luga prome dia Laser Radial Weganan Olimpico")
