Dokter specialista a wordo maltrata y menasa cu arma di candela

Diasabra anochi Polis a bay un cas na Savaneta, caminda un homber lo a bati su señora y despues menasa cu arma di candela.

Na yegada di polis, e cabayero a sali for di cas y a bisa cu tin problema entre pareha. Su actitud tabata mustra di ta hopi nervioso. Segun e señora, e homber di fam B lo a maltrata y menasa su persona cu arma di candela, cual ta den e cas ainda. Mas unidad Policial y Comisario Richardson a yega na e sitio. Na e sitio, tabata tin un otro oficial di rango halto, kende tabata papiando cu e casa di e specialista. Recherche tambe a yega y a laga e specialista bay sinta den un pickup. Segun informacion, tabata tin problema entre e pareha aki cu tabata andando desde diabierna merdia y cu ya caba autoridad tabata sa di e caso.

E specialista di fam K a bandona e cas cu su tres yiu nan. Polis no a detene e homber pa maltrato y tampoco a bin haya e arma di candela. E caso ta den man di recherche.