E hoben Colombiano  tabata di bishita na ciudad di Las Vegas- Merca, y e tabata cana den e lugar, caminda e masacre a tuma luga diadomingo anochi. Segun informe oficial, un homber cu a ser identifica como Stephen Paddock a tira riba varios persona cu tabata cana den e lugar ey, pa participa na un concierto di musica country.

E suheto a tira desde piso 32 di  hotel casino Mandalay. Paddock no tabatin ningun antecedente penal. E tata di Paddock tabata inclui den e grupo di delincuente mas solicita pa polis federal di Merca, durante añanan 60 y 70.

“Experiencia tabata di teror… un miedo horibel. Hende tabata core pasa riba otro hende, nos tabata core y tur hende tabata core tambe. Nos tabata core den casino. Ora cu nos tabata pensa cu nos por a sali via algun banda, anto hende tabata bin bek di e banda ey. Ami a cay di un trapi, y mi pia a kibra, pero otro hende a yuda mi pa lanta y asina mi a huy di e lugar ey,”,  e mucha muhe Colombiano a bisa.

Riba su historia di Instagram, e presentadora di television a publica un video, caminda tur hende por mira cu el a lastima su enkel drechi y el a haya tambe un herida na su rudia.