Mas cu 50 persona a keda asesina y rond 400 a keda herida den un tiramento na Las Vegas ayera nochi.
E sospechoso, Stephen Paddock di 64 aña ta morto. E tiramento a pasa durante un festival di musica (Country Music) na e strip di Las Vegas. E sospechoso a tira desde e Mandalay Bay hotel. El a tira desde e 32 piso di e hotel na e 22.000 persona cu tabata atendiendo e evento.
Autoridadnan ta bisa cu el a mata su mes durante cu polis a drenta e camber, y topa cu 10 otro arma. E atake aki ta considera manera e tiramento di mas grandi den historia di Merca, cual ta conoci pa tin tiramento manera esaki ocasionalmente. Ningun hende ainda sa pakico esaki a tuma luga y motibo tras di e atake aki di e sospechoso ainda no ta conoci.
