Departamento Meteorologico Aruba a comunica awe mainta cu lo tin calor excesivo duante henter siman, te mas tarda diasabra atardi 6 or.
E departamento ta informa cu pa via di temperaturanan halto y percentahe halto di humedad, personanan mester tene cuidou cu sentimento di malestar.
Temperaturanan maximo di dialuna pa diasabra lo oscila di 33 pa 35 grado Celcius. Porcentaje di humedad den 80 TE 89% lo contribui na un indice di calor(temperatura aparente) rond di 43 te 46 grado Celcius cada dia.
E calor y humedad halto lo no baha mucho anochi cu temperatura bahando solamente te un minimo di 29 te 27°C grado…esaki lo aumenta e peligro pa hendenan cu no por haya un lugar pa refresca nan curpa.
CALOR EXCESIVO TA E ASESINO DI TEMPO NR. 1…HENDE MESTER TA PREPARA PA E PELIGER CU CALOR EXCESIVO TA OCASIONA. MUCHA CHIKITO…HENDE GRANDI I HENDE CU MALO DI CURAZON TA ESNAN MAS EXPONE. LIMITA ACTIVIDAD PAFO DI CAS PA ORANAN TREMPAN DI MAINTA OF ORA SOLO BAHA. SI BO TIN UN AIRCO CU TA FUNCIONA UZELE…OF A LO MENOS HABRI BENTANA PA LAGA AIRE PASA I CIRCULA.
